MANILA, Philippines — Sinabi ni Reelectionist senator at incumbent Sorsogon Gov. Francis Escudero nitong Huwebes na dapat i-update ang mga batas para mas mabigat na parusa ang ipataw sa mga online scammers.
Ayon sa kanya, dapat unahin ng susunod na Kongreso ang pag-amyenda sa Access Devices Regulation Act of 1998 at ang Cybercrime Prevention Act of 2012 para mapataas ang mga termino at multa ng mga cybercriminal.
Ginawa ito ni Escudero matapos ibunyag ng Land Bank of the Philippines nitong Lunes na ang mga guro na nawalan ng pera sa kanilang mga bank account ay naging biktima ng phishing scam.
Sinabi ni Escudero na ang paglabag sa Access Devices Regulation Act ay may pagkakakulong ng anim hanggang 20 taon at multang P10,000 o dalawang beses ang halaga na nakuha sa ilegal na paraan.
Sa ilalim ng Cybercrime Prevention Act, samantala, sinabi ng senatorial aspirant na ang maling paggamit ng mga kagamitan ay may multang hindi hihigit sa P500,000 at/o pagkakakulong na anim hanggang 12 taon.
No comments:
Post a Comment